Тадар Хан

0
670

Мындаа иртен тоғысха чазағ пас парчатхам. Удура пiр тадар кiзi минзер чағыннап килiп, алар-албастаң на мағаа ноо-да ниме пулбыран сыххан. Тадарлап, кил. Ағбанда андағларға ам на учураан полғам. Чоох-чаах аразында хулаама одырыбысхан:

– Пiлҷезiң ме… Тадар Хан килген…

Минiң хатхырарым кил парған, че тыстанарға килiскен. Анаң ағаа удура суртлабысхам:

– Пiлчем, – тiпчем. – ол… танчиктернең ойнапча. World of Tanks- белорусский рандомда. Аның ойын ады Tadarkhan…

– Нуйма… тiдiң? – пiл полбаандыр минi пудурғы «глашатай». Позы сағайлапча Асхыс чоғар аалдағылар чiли.

Ол тадар табанахтың харағы пӱлес ойналчатханын сизiн салғам. Таң изiрiк. Таң ноо-да ниме тартынып алған ма…

– А тiгi… хозан хулағы прай… пӱкӱле тартыл парза, Тадар Хан килерге кирек теенi ол… Ах Обезъяналарға салылған чоох… – пазох пулбырас аразында сала-сула хаап халғам сӧстер кизектерiн.

– Хайдағ обезъяналарға? – мин аны сынап чоохтаза, пiл полбаам. Паза кӧрзем, ол табанах «а,  щорт!» тiп хыйа пас пари. Анаң андарох пулбарын парча… «А… таңма килген! Мiчiктiг таңма!.. Ай чарығынаң ол чирге тӱзер.. » – тiп холларын хайди-да Тигiр саринзар уластан парча.

Пу тоғазығ минiң сағызымнаң сых таа парарчых, сынап пасха нимелер полбаан полза…

Ам минiң арғызым, Кӱчен Ай Чарых, тадарларның илбек хайҷызы, позының чайаачы иирiн тимнепчеткенiне минi аралазарға тiп хығыртхан полған. Андағ кiзi пайрамнығ иирде аралазарына  хығыртханы мағаа ол уғаа поғдархастығ пiлдiрген.

Тимнен парчам амды. Репетицияа килгенде (Кӱчен Ай Чарых аны «тимнег» тiпче), мин аннаң программа сурған полғам кем кемнiң соонда ойнапча тiп, чiзе.

Ол мағаа смартфонын сығар килiп, холға сунча. Кӧрзем, анда пурунғы тадар руналарнаң пазылған пiчiктер. Лӱнек, тӱӱрлер хуйағын тутчатхан оол, «чё, издевается?» тiп мағаа кӱлiмзiреп парча.

Мин дее, пурунғы тадарлар пiчиин, уйадыма тирге кирек, ам даа кирек синдегi чiли хабынғалахсым. Кӱчен Ай Чарых мағаа iдӧк кӱлiмзiреп парча.

Че мында даа мин пiр дее ниме сизiнминчеткем…

Анаң соонаң, халых чон палғалыстығ сайттарда ноға-ноға пазох «хыйға пылазарға» килiс парған, че хайдағ-да чымҷылға кiзее суххан чiли, пазох ла хазыр талазығларға кiрiбiскем: «пустота», «пространство» теен таңмалар хоостыра «западниктернең» хада хатығ харбазыға кiрiбiзерге килiскен… Аның аразында «небополитиктернi» истерге тiп, ютубта кӧрiглер (видеолар) хазыр парчам. Ноға-да тiлге сырбал парған «белая обезъяна» теен оларның сӧзi. Интернетте нимезi полҷаң ол тiп, «яндексттi» ол сӧснең азырабысханда, анзы мағаа удура хыдаттарның кип-чооғын сығар пирген… Сах iдӧк адалча «белая обезъяна»!

Ол таңма («белая обезъяна») хыддатарның саринаң интернет пастыра читкенде… минiң iстiмде пулғал килiп, ээн-аас сӧстернең сығара килген: «Ёпт.. ыңаның!»…

Пу кӱннерде ле тоғасхан тадар табанах сағысха килген сах мындох: сынап таа – … Ай Чарых холынаң пурунғы тадар таңмалары килген паза …  «А тiгi… хозан хулағы прай… пӱкӱле тартыл парза, Тадар Хан килерге кирек теенi ол… Ах Обезъяналарға салылған чоох…» сӧс изерiстер палғалыстары сағыл килген.

Мда-а.а…

Мин телефонымны алып, сығдырадыбысхам ипчiме, пу киректi чоохтап, сурабысхам: синiң анда тоғыста харағы пӱлес паза сағыстаң ағырығ пiрее тадар пар ба? Ипчiм сағыс-кӧгiзi ағырығлар туразында тоғынча, оларны санға алылчатхан кiзiлер пiчiкке кирiл парчалар, нооза.

Ипчiм мағаа сах андох кӱлiмзiребiскен: «пророк» па? Пар андағ тадар. Ол позын… Сириустаң  килгем тiп, кiзiлерге чоохтап чӧрче. Паза хозаннаңар тахтан чӧрчеткен… Кстати, ол позын Тадар Хан адан чӧрче. Так, что син чалғызаан нимессiң, – анаң, кил, ээреп сыххан.

 Ипчiм пiлче: белорусский рандомда мин ол атнаң танктарнаң чаалас чӧрчем.

Ам пасчам пу нименi, пiлбинҷем… Пу даа кiзiнi сағыстаң алҷаас тiп порастап сығарлар, че мағаа чоохха полта кирек (сюжет, чiзе), чуртас, тiзең, хайхастығ нимелернi удаа сыйлабинҷа.

Аннаңар пiчiкке мин мыны кир салдым.

А… ах обезъянадаңар хыдаттар кип-чооғын хығырарға сағынчатсаңар, «яндексте» тiлег строказына «Китай. Легенда о Белой Обезьяне» сӧстер изерiн кире сунзар, аны хығырап аларға чарир…

Анда хынығ нимелер парох.

НАНДЫРЫҒ ПАС ПИРӀҢЕР

Ӱндезииңерні пас пиріңер!
Адыңар мында пас пиріңер

  

доступен плагин ATs Privacy Policy ©