Тілбестег пос оңдайынҷа (Б.Пастернактаң)

Пораан поралап чир ӱстӱн
Иллер илетче.
Кӧйчедiр чарытхы, тӱдӱн
Кӧгҷее кӧленче.

Чайғы тубанах чiли оох
Ӧртке ӧртеле,
Ах хар кӧзенегiмзер соох
Чухча кӧптеле.

Пораан-ус хоостапчадыр пӱӱн, –
Ызиин узанча.
Кӧйчедiр чарытхы, тӱдӱн
Хайҷаа толғанча.

Хыринда ибiркi ханаа
Кӧлек ойналча:
Пурунғы алыптарнаң чаа
Кӧгнең хайлалча.

Испес кiзее ле улуғ чоох
Уйғаа апталча;
Кӧйчеткен чарытхыҷахос
Нымах таптанча.

Харлығ порааннығ хатығ ус
Хазалар, оохтир.
Кӧйчедiр чарытхымнаң тус,
Кӧглерҷе сыыттир.

Хайдаң-да ибi пулуңнаң
Тан саапча наанаң!
Хайҷының чарых ӱнiнең
Нымзалча чаным…

Пораан поралап азығ айын
Тискер кӱрепче.
Сибдейнiң чазыхтығ хут сайы
Хайға ӧртелче…