***
Пiлiстiң чолы – пiр ле: сын полҷаа.
***
Хоосчының хоозы кӧп тее полза,
Сынға чидерi хоостаң нимес…
***
От хыринда нинҷе дее сiлiгiнзең,
Сағыс чох полза, ноо туза?…
***
Иргi кип порт поладыр.
***
Пазыр, пазырба, Хан Тигiрнi алаахтыр полбассың.
***
Хан Тигiрге пазырарға кирек чоғыл,
Ол аны киректебинче.
***
Кӱнге пазырбазаң даа – олох ла чылыдар!
***
Кiленчiк кiзi – пазырар,
Тудымнығ кiзi – хазынар.
***
Оттаң кiленмезең дее – чылытчаан на чылыдыр!
***
Суға пазырбазаң даа, тосхырҷаан на тосхырар!
***
Хан Тигiр – пазыртпинча,
Пазыртча – кiзi.
***
Ээ поларға иткен кiзi
Тӧкпес тее ээзiне пазыртар.
***
Киртiнҷектiң чолы сиден дее аспас…
***
Хан Тигiрнi киртiнiстең ал полбасың, ағаа пiлiс ле кирек!
***
Киртiске салған нименiң сыны ас поладыр.
***
Пiлiстiң салтары хаҷан даа пiлiс ле.
***
Хан Тигiрнi пiлбинчетсең, пiлчем тiп орхаңнаба.
***
Хоолайның тӱбi чоғыл,
Хатығластың хырии чоғыл.
***
Хоолайға Худай кирек чох полчаттыр
***
Хан Тигiрнi пiрдеезi чайабаан!
***
Чохтың чолы хаҷан даа – чох ла.
***
Хатығласты чохха хайылдырҷаа чоғыл!
***
