Сӧс Тайҷы 

0
1076

Тадар сӧстер аймағына кӱрелiзiп,
Кiрген сӧстер таңмалар ӧӧн хапса,
Хыйтлаах тӧстiг iзиилерiн тартса,
Иң пӧзiк тын хуйахтығны кӧрзе,
Сӧс чазыды Тайҷызы теен артиина
Пу чуртаста мин учурабаам, айа!
Син дее пiлбеезең, хығырығҷы, аны!
Хайдағ анда кӱреелiг тадар ханы
Хайнатчатча Хан Тигiрнiң ызиин,
Сӧстер изерiзi артығының чапсиин!
Ноо-ноо сурлар ӧңнерiнiң аймағын
Пiрге тутча чонға тӱзiрiп… Тайиин!
Хайзы-да сағынар, арса, «поэт» кӧлегi,
Пiрсi, итпезе, «тiл iстезiгҷее» найнир,
Ӱзiнҷiзi «хабарҷыға» хайбағынар;
Паза кӧрзең «хайҷы» артығын хабынып,
Чон аазына умах парча: Хай Ээзiнiң
Кӱңӱр хуйағы тоолап халған Аазы ол!
Хайран… чӧрче ӧме чох чалғызаан,
Тадар тiлнең тiмелен тур иб пеезiне,
Че тiл iзии олох ла сооп тур… Чазыҷа.
О! Аннаңар, нооза, килдi ол – Сӧс Тайҷы!
Кӧрдек-кӧрдек син аны! Пудурғы хайҷы?..
Чатханы пар, хайлааны пар, тахпағыҷаа,
Чазағ нымаан салча ол… интернетке!
Пiрееде позына таңма салча «Поэтпiн!» тiп,
Паза кӧрзең, тiлге сырбалча «блогер»-i…
Пiлҷее чох ямбтарнаң палғапча кӱр роман,
«Тутчам холға Хан Тигiр поза паан!» – тiп,
Анда-мында ухаанҷыос хылиинаң
Чонға сығырча «чир пiстi тартпинча» тiп,
Хан Тигiрнiң сынға турған чозах пiзиин!
Пол парча пiди дее: компьютерге пiчиин
Салча ол тимiр-тис тiлiн пiле тура хычиин:
Анда хакастарның алты таңма изерiзiн
Ол сыындырча тiллегҷi ачын гуглға! –
Анзы санға алча тадар сӧстернiң ооғазын!
«Че, – сағынар хыйғызы пар ухаанҷыл, –
Пазох пос позына махтағларын салча,
Пазох чон алнында тӱктерiн тырбайтча…»
Ӏзе, сын чанынаң чаразам чазырбин,
Мыннаң мындар паза даа тахтанмин,
Кибелiмде чол чорығын тығырынып,
Таңма сапхан чiли пастағҷы полып, тим:
Сӧс Тайии чазыды таймазы Ил хылиин
Сӧс Тайҷы адынаң тутчабын ис чiтиин:
Илбек Хан Тигiр тоозылбастағ чазаа
Парчан сӧстер тырабаңназы салғаан
Кибеллеп салып, чазыпчам сынны! –
Муңар сӧстер полған на тынымны
Китеп-мӧтеп – тимделер ызых чооғыма!
Чайаан салған тӱмен сӧс чааҷыларым
Хатығ хуйах салча парчазы ооғынаң:
Сӧс Тайҷы! – аданчам адым наазынаң!

24/01/2019

НАНДЫРЫҒ ПАС ПИРӀҢЕР

Ӱндезииңерні пас пиріңер!
Адыңар мында пас пиріңер

  

доступен плагин ATs Privacy Policy ©