Пегас туйғахтары алай ба ямбтар (кӱлімзіреп)

0
380

Мына Олимп хырның ил аазын
Тадар аймағы кӱзiпче:
Валерий, тудына хой пазын,
Ылғаах кибелiн iзiтче.

Ай-соонҷа соомчадыр Геннадий,
Тӧрттең тӧртке хал санапча:
Поэттер чазыды хал адын
Рубаи чазыхнаң салча.

Пу алып оолларны хостазып,
Кӧрзем, Евгений шалдырча,
Полған на изiрiк строказын,
Андарох хабына сыхча!

Хайран на ооллар ызыхтары!
Хайран на … тарчыхтар! (Айаам!)
Пегас пуларның ырыхтарын
Кiстеп, ырҷаңнада хапхлаан:

«Ызых Олимпсер, йа, сығарда, 
Хал ямбтың чолын пiлiңер!
Ӱгренҷее чабых iзiктерiн –
Баиннiң кӧӧн iстезiңер!»

Олох Олимптiң тағ идеенде ,
Хыр пӧзии чазыхтаң кидер,
Сибдейек одырча, кӱденнеп,
Бинокль кӧрiснең… Ӱлгер

Чылтыстар чариин санапча,
Чапсых тылаазахтарны хооп,
Олимпсер кӧрiзiн салча…
Анда Пегас, туйғағын ууп,

Пурнап Валераны тепкен,
Анаң Геннадий миизiн чууп,
Хыр инiс соонҷа сундырған.
Евгений позы за – оңарып,

Учуғып-сӧӧлiнiп инген…
Тадар чонға за пу тылаазах, 
Полған-полбаанынаң… читкен:
Хырт ямбты ӱгренер хыйғааҷах!

Кибелнiң чазыдын систер!.. 
Ноға Сибдей ызлатча ямбтаң?
Сибдей пiлче хайдағ сiстер
Хал парча танығлығ … Пегастаң!

НАНДЫРЫҒ ПАС ПИРӀҢЕР

Ӱндезииңерні пас пиріңер!
Адыңар мында пас пиріңер

  

доступен плагин ATs Privacy Policy ©