Ибде одыр, сыхпа тасхар! (тілбестег)

0
350

…Не выходи из комнаты, не совершай ошибку.
Зачем тебе Солнце, если ты куришь Шипку?
И.Бродский.

Ибде одыр, сыхпа тасхар! Алҷаастанма таннығ кииге,
Ниме ол кӱн чарии? Хаҷан идің ирініп, арғаастана,
Субарап чӧрче… сағай хаастанып – ибде:
Ыстаным чох истіг пас чӧрчедерге халбастана!

Тіпчелер ырыс хыстын парған ізікке (изірік!),
Чит полбин халған хайдағ да Балидең
(сынап итсе мин позым аспаам хылиимны),
Халидаа хубулып, одыр халған таллах самолётта…

Одыр син – ибде! Туных минің чаным чазылып,
Чайылҷаа хала парды хоостығ сағыста сағылып:
Нимее-де хобырылҷах кибеліске чазынып,
Чӱгурт парча кізі чӧрген чолынҷа пазынып.

Артых сағыстығ ӧӧрлеп чӧрген чарых чорыхтар
Ваннаа суғ саалаанаң амды чылығ чадында:
Чыс саапчатхан, киріпчеткен тыным сабылып,
Чил таны кӧзенегессер амды кӱрең чозыстығ…

Пу даа чи – кибелізекке – амды тарығып,
Ағынып сабылча табан чызы хозылып:
Тасхар тасхын даа сыхчаа – планшеттіг одырыс…
Одыр ибде! Лермон орамазында тоозылып,

Наныбысчаң тус мағаа даа чидер чи!
Кем дее полза (табылар!) ирбен от одынып,
Пулғап, кил, парчан Чайаанны, кидерлеп,
Санир кӱн чорығының чыллар ооғазын:

Кӱстенер, арса, таңма хоозынаң хоостап,
Кілирге тігі чирнің (ол чоғыл!) чадығын…
Кибелістең артых мин пілбинчем хазыхты.
Одыр ибде. Сыхпа тасхар. Чылығ сӧске чазырхап!…

(29 март 2020, иртен 10.30 час)

НАНДЫРЫҒ ПАС ПИРӀҢЕР

Ӱндезииңерні пас пиріңер!
Адыңар мында пас пиріңер